Монгол улсын Засгийн Газар, НҮБ-тай хамтран 2009-2012 онд “Монгол улсын хөдөөгийн хүн амын амьдралын баталгааг нийгмийн иж бүрэн үйлчилгээгээр хангах” төслийг Монгол улсын үндэстэн, угсаатны цөөнх голлон оршиг суудаг 5 аймгийн 20 сум (Баян-Өлгий: Баяннуур, Буянт, Толбо, Улаанхус; Дорнод: Баяндун, Баян-Уул, Дашбалбар, Хөлөнбуйр; Увс: Давст, Зүүнговь, Тэс, Хяргас; Ховд: Алтай, Дөргөн, Дуут, Ховд; Хөвсгөл: Ренчинлхүмбэ, Улаан-Уул, Цагааннуур, Цагаан-Уул)-нд хэрэгжүүллээ.
Энэхүү төсөл нь 1) Мэдээлэл харилцаа, 2) Боловсрол, 3) Эрүүл мэнд, 4) Өрхийн амьжиргааг дэмжих гэсэн үндсэн 4 бүрэлдэхүүн хэсэгтэй бөгөөд боловсролын бүрэлдэхүүн хэсэг болох төслийн Зорилго 2: Хөдөөгийн хүн амын албан ба албан бус боловсролын хүртээмж, чанарыг нэмэгдүүлэх чиглэлийн үйл ажиллагааг хэрэгжүүлэгч байгууллагаар БСШУЯ-ны харъяа АББЗСҮТ ажиллав.















2012 оны 4 дүгээр сарын 16-аас 18-ны өдрүүдэд Увс аймгийн Улаангом хотод “Монгол улсын хөдөөгийн хүн амын амьдралын баталгааг нийгмийн иж бүрэн үйлчилгээгээр хангах” төслийн туршлага солилцох хаалтын уулзалт-семинар болж өнгөрлөө. Уг уулзалтанд Засгийн газрын Хэрэг эрхлэх газрын дэд дарга Д.Нямжав, ЮНЕСКО-ийн Монголын Үндэсний Комиссын Ерөнхий нарийн бичгийн дарга Г.Жаргалсайхан болон ЭМЯ, АББЗСҮТ, ҮХШХ, МҮХАҮТ, ДЭМБ, “Глоб интернэшнл” ТББ зэрэг байгууллагуудын төлөөлөгчид оролцов. Мөн ЮНЕСКО-ийн Бээжин дэхь Суурин төлөөлөгчийн газрын мэргэжилтэн М.Нозава, НҮБ-ын Шадар суурин төлөөлөгч Т.Эриксон, ДЭМБ-ын мэргэжилтэн С.Говинд, төслийн үнэлгээний зөвлөх Ж.Балтзерсен нар уулзалт-семинарт хүрэлцэн ирж оролцлоо.










Редактор : Е.Батчулуун
Албан бус боловсролын бичиг баримтын эмхэтгэл